ایشزسیریز:انگلینڈ کے 302کے جواب میں آسٹریلیا کے 328رنز
برسبین:آسٹریلیا نے ایشز سیریز کے پہلے ٹیسٹ کی پہلی اننگز میں کپتان اسٹیون اسمتھ کی 141 رنز کی اننگز کی بدولت 328 رنز بنا کر انگلینڈ کے 302 رنز جواب میں 26 رنز کی برتری حاصل کر لی جبکہ انگلینڈ نے دوسری اننگز میں 2 وکٹوں پر 33 رنز بنا ئے۔برسبین میں کھیلے جارہے ایشز کے پہلے ٹیسٹ کے تیسرے روز آسٹریلیا نے اپنی پہلی نامکمل اننگز 165 رنز 4 کھلاڑی آوٹ پر دوبارہ شروع کی تو کپتان اسٹیون اسمتھ 64 اور شان مارش 44 رنز پر کھیل رہے تھے۔شان مارش 51 رنز بناکرا سٹورٹ براڈ کی گیند پر اینڈرسن کے ہاتھوں کیچ آوٹ ہوگئے جس کے بعد ٹم پن 13 رنز بناکر آوٹ ہوئے جبکہ مچل اسٹارک 6 رنز بنا سکے۔اسٹیون اسمتھ اور پیٹ کمنز کے مابین 65 رنز کی شراکت قائم ہوئی تاہم کمنز 42 رنز بناکر کرس ووکس کی گیند پر ایلسٹر کک کے ہاتھوں کیچ ہوگئے۔جوش ہیزلووڈ 6 اور ناتھن لنک 9 رنز بناکر آوٹ ہوئے جبکہ کپتان اسمتھ نے اپنی شاندار کارکردگی کو جاری رکھا اور 141 رنز کی ناقابل شکست اننگز کھیل کر آوٹ ہوئے۔آسٹریلیا نے پہلی اننگز میں 26 رنز کی برتری کے ساتھ 328 پر بنائے۔انگلینڈ کی جانب سے اسٹورٹ براڈ نے 3، جیمز اینڈرسن اور معین علی نے 2،2 وکٹیں حاصل کیں۔انگلینڈ کی ٹیم تیسرے روز کھیل کے اختتام پر 2 وکٹیں کھو کر 32 رنز بنائے تھے اور 7 رنز کی مجموعی برتری حاصل کرلی، الیسٹر کک 7 اور جیمز وینس 2 رنز بنا کر آوٹ ہو گئے۔مارک اسٹون مین 19 اور کپتان جو روٹ 5 رنز کے ساتھ وکٹ پر موجود ہیں۔
