آج زین سے بھی رابطے فری

ریاض۔۔۔۔خادم حرمین شریفین شاہ سلمان کے تیسرے یوم بیعت کی خوشی میں سعودی زین نے بھی اپنے صارفین کو آج جمعرات کو 24گھنٹے اندرون مملکت مفت ٹیلیفونک سروس کی سہولت پیش کردی۔ زین کے ایگزیکٹیو چیئرمین سلطان الشہرانی نے اس موقع پر خادم حرمین شریفین شاہ سلمان بن عبدالعزیز اور ان کے ولیعہد شہزادہ محمد بن سلمان کو تیسرے یوم بیعت پر دلی مبارکباد پیش کی۔سعودی زین کے نیٹ ورک پر آج لامحدود مفت رابطے کئے جاسکتے ہیں جبکہ واٹس ایپ، انسٹا گرام ، فیس بک وغیرہ پر بھی لامحدود چیٹنگ مفت ہوگی۔