واشنگٹن۔۔۔امریکی وزیر خارجہ ریکس ٹلر سن نے کہا کہ انہوں نے کبھی امریکی صدر ٹرمپ کو ذہنی مریض نہیں سمجھا۔صدر ٹرمپ ماضی کے امریکی صدور کی طرح نہیں اور ہمیں اس بات کو تسلیم کرنا چاہیے۔امریکی ٹی وی کو انٹرویو میں ریکس ٹلرسن کا کہنا تھا ان کے پاس کوئی وجہ نہیں کہ وہ امریکی صدر ڈونلڈ ٹرمپ کے مینٹل فٹنس پر سوال اٹھائیں۔ٹلرسن نے کہا کہ گزشتہ ایک سال کے دوران ان کے صدر ٹرمپ کے ساتھ تعلقات مضبوط ہوئے ہیں اوراس ایک سال میں بہت کچھ سیکھا ہے۔ انہوں نے کہا کہ وہ صدر ٹرمپ کے مزاج کو بہت اچھی طرح جان گئے ہیں اور ان کے ساتھ کس طرح سے پیش آنا اس کو انہیں بخوبی اندازہ ہوچکا ہے۔
