امریکی بانڈز کے خریداروں میں مملکت ، روس پر بھاری

ریاض ....امریکہ کو قرضہ دینے والے ممالک میں سعودی عرب روس پر سبقت لے گیا۔ امریکی وزارت خزانہ نے نومبر 2017ءسے متعلق اعدادوشمار جاری کرکے واضح کیا ہے کہ سعودی عرب نے جنوری 2017ءمیں 112.3ارب ڈالر کے امریکی بانڈز حاصل کئے تھے۔ اکتوبر 2017ءمیں مملکت کے پاس 145.2ارب ڈالر کے امریکی بانڈز چلے گئے۔امریکی بانڈز خریدنے والے ممالک میں سعودی عرب کا نمبر گیارہواں ہوگیا ہے۔ چین سرفہرست ہے جو 1.18ٹریلین ڈالر کے امریکی بانڈز خریدے ہوئے ہے۔ جاپان کا نمبر دوسرا ہے جس نے 1.08ٹریلین ڈالر کے بانڈز خرید رکھے ہیں۔ روس کا نمبر 13واں ہے جس کے پاس 86.6ارب ڈالر کے امریکی بانڈز ہیں۔