ریاض .... سعودی انجینیئرنگ کونسل میں رجسٹرڈ انجئینرز کی تعداد ایک لاکھ 98 ہزار ہے جن میں 87 فیصد غیر ملکی ہیں ۔ گزشتہ برس 2017 کے حاصل کردہ اعداد وشمار کے مطابق سعودی انجینیئرنگ کونسل میں رجسٹرڈ غیر ملکی انجئینرز کی تعداد ایک لاکھ72 ہزار 796 ہے جبکہ سعودی انجئینرز 25 ہزار 426 ہیں جو مختلف اداروں میں خدمات انجام دے رے ہیں ۔ کونسل کی جانب سے جاری رپورٹ میں مزید کہا گیا ہے کہ سعودی انجئینرز کا تناسب انتہائی کم ہے جو تقریبا 13 فیصد بنتا ہے۔ اس حوالے سے سعودی انجینیئرنگ کونسل نے وزارت محنت و سماجی بہبود کے تعاون سے منصوبہ شروع کیا ہے جس کے تحت سعودی انجئینرز کو مختلف مقامی کمپنیوں میں ملازمت کے مواقع فراہم کئے جائیں گے ۔ جامعات سے فارغ ہونے والے فریش سعودی انجئینرز کی فنی مہارت بڑھانے کےلئے انہیں ریفریشل کورسسز کروائے جائیں گے تاکہ وہ موجودہ مارکیٹ کے معیار کے مطابق کام کرنے کی اہلیت حاصل کر سکیں ۔
