پوٹین کا داماد آدھی دولت سے محروم

ماسکو.... روسی صدر ولادیمر پوٹین کی بیٹی کیٹریناکو طلاق دینے کے سبب اس کے کھرب پتی تاجر شوہر کریل شمالوف کو اپنی آدھی دولت سے محروم ہونا پڑا۔برطانوی اخبار کے مطابق جوڑے کے درمیان علیحدگی ہو گئی ہے تاہم ذرائع نے یہ تصدیق نہیں کی کہ آیا یہ علیحدگی قانونی نوعیت کی ہے یا نہیں۔شمالوف نے 2013 میں مراکش کے شہر مراکش میں پوٹین کی بیٹی سے شادی کی تھی۔ اس کے بعد سے شمالوف کی دولت حیران کن طور پر بڑھتی رہی۔حصص کے بازار میں اس کی مالیت2 ارب ڈالر تک پہنچ گئی۔شادی سے ایک برس قبل شمالوف نے ترقی پا کرسی بور کمپنی میں نائب چیف ایگزیکٹو کا عہدہ حاصل کر لیا تھا۔ شادی کے بعد 2014 ءمیں شمالوف نے روسی حکومت کے بینک سے قرضہ حاصل کر کے کمپنی کے مزید 17 فیصد حصص خرید لئے۔