ریاض۔۔۔۔۔سعودی خواتین نے تحائف کی دنیا میں نیا رواج قائم کردیا۔ سوشل میڈیا پر اس کی وڈیو وائرل ہوگئی۔ تفصیلات کے مطابق ایک سعودی خاتون نے اپنی سہیلی کی کامیابی پر اس کیلئے ننھا دنبہ تحفے کے طور پر پیش کرنے کا فیصلہ کیا۔ یہ اپنی نوعیت کی پہلی روایت تھی۔ اس نے دنبے کو سجاکر اسے تحائف فروخت کرنے والی دکان پر لے گئی اور دکاندار سے دنبے کو اسپیشل کارٹن میں رکھ کر پیک کرنے کی التجا کی۔ دکاندار نے دنبے کا چہرہ کھلارکھا، باقی حصے کو کارٹن میں رکھ کر پیک کردیا۔ اس کی وڈیو سوشل میڈیا پر جاری ہوئی تو دلچسپ تبصروں کا بازار گرم ہوگیا۔
