مچھلی کھانا توند کو کم کرنے میں مددگار
جوافراداپنے بڑھتے وزن سے پریشان ہیں اور توند کو کم کرنے کی فکر میں ہیں انہیں چاہیے کہ مچھلی کا زیادہ سے زیادہ استعمال کریں . مچھلی میں اومیگا تھری فیٹی ایسڈ موجود ہوتے ہیں جو صحت کے لئے بے حد ضروری ہیں .یہ جسم کو صحت مند اور توانا بناتے ہیں اور موٹاپے اور کمر کے اطراف میں چربی جمع ہونے سے محفوظ رکھتے ہیں . اومیگا تھری فیٹی ایسڈز بڑھتی عمر کے ساتھ جسم میں آنے والی تنزلی کی روک تھام کرتے ہیں اس طرح یہ بڑھاپا طاری ہونے کے عمل کو سست کردیتے ہیں . یہ توند کی چربی پگھلانے میں بھی مدد دیتے ہیں لہذا توند کو کم کرنے کے خواہش مند افراد ہفتے میں دو سے تین بار اپنی خوراک میں مچھلی کو لازمی شامل کریں .
