ریاض..... علماءکمیٹی کی جنرل کونسل کا کہنا ہے کہ ولی عہد مملکت شہزادہ محمد بن سلمان کے بیرون ملک دورے دوررس ثابت ہو نگے جس کے ثمرات نہ صرف عالم عرب بلکہ پوری دنیا پر مرتب ہونگے ۔ سعودی خبر رساں ایجنسی نے علماءجنرل کونسل کی جانب سے جاری بیان کے حوالے سے کہا ہے کہ علماءکونسل نے ولی عہد مملکت کے حالیہ دورہ امریکہ کو انتہائی اہم قرار دیتے ہوئے کہا کہ خادم حرمین شریفین شاہ سلمان بن عبدالعزیز آل سعود اور ولی عہد مملکت شہزادہ محمد بن سلمان کی مثالی قیادت میں مملکت سعودی عرب دنیا بھر میں انتہائی اہم کردارادا کررہا ہے ۔ ولی عہد کے دوروں کا بنیادی مقصد قیام امن کے لئے کوششیں کرنا اور عالمی سطح پر دوستی کو فروغ دینا ہے ۔ قیام امن کے لئے ولی عہد مملکت کی مثالی کوششوں کو ہر کوئی قدر کی نگاہ سے دیکھتا ہے ۔ دنیا کو اس وقت جس دہشتگردی اور انتہا پسندی کا سامنا ہے اس کے خطرنا ک نتائج سے نمٹنے کےلئے جامع حکمت عملی مرتب کرنے کی اشد ضرورت ہے۔ دنیا میں امن کی دشمن قوتیں جن میں سرفہرست ایرانی نظام ہے خطے کے امن کو تہہ و بالاکرنے کےلئے مصروف عمل ہے ۔ علماءکونسل نے مزید کہا کہ ولی عہد مملکت نے خادم حرمین شریفین کی ہدایت پر عمل کرتے ہوئے بیرون ملک دوروں کا آغاز کیا ان میں مصر ، برطانیہ اور شمالی آئر لینڈ شامل ہیں کے دوررس اور مثبت نتائج برآمد ہونگے جن کے اثرات مملکت ہی نہیں عالم عرب و اسلامی دنیا اور دیگر ممالک پر مرتب ہونگے ۔
