ایڈمرل ظفر محمود کا پاک بحریہ کی تنصیبات کا دورہ
کراچی ...پاک بحریہ کے سربراہ ایڈمرل ظفر محمود عباسی نے گوادر میں قائم پاک بحریہ کی تنصیبات کا دورہ کیا۔ دورے کا مقصد نیول یونٹس کی آپریشنل تیاریوں اور گوادر میں جاری پاک بحریہ کے منصوبوں کی پیش رفت کا جائزہ لینا تھا۔ ایڈمرل ظفر محمود عباسی نے آپریشنل تیاری پر اطمینان کا اظہار کیا اور بحری راستوں سے متوقع خطرات سے نمٹنے کے لئے ٹاسک فورس کو مزید مستعد اور فعال بنانے پر زور دیا۔ اس موقع پر گوادر پورٹ اتھارٹی کے چیئر مین نے بھی گوادر پورٹ کی سر گرمیوں اور پورٹ اور شہر کو مزیدوسعت دینے کے منصوبوں سے متعلق بریفنگ دی۔ایڈمرل ظفر محمود نے بحریہ ماڈل اسکول گوادر کے تعمیراتی کام کا بھی جائزہ لیا۔ ا نہوںنے مقامی آبادی کو تعلیم کی معیاری سہو لتوںکی فراہمی کے لئے اسکول کی مقررہ وقت پر تعمیر مکمل کرنے اور اسے فعال بنانے کی ہدایات جاری کیں۔ نیول چیف نے بلوچستان کی ساحلی پٹی بشمول اورماڑہ اور گوادر میں تعینات پاک بحریہ کے افسروں اور جوانوں سے ملاقات بھی کی۔ ملک کی بحری سرحدوں کے دفاع کی خاطر اُن کے عزم ، بے لوث خدمت اور جذبے کو سراہا۔
