ریاض.... ریجنل پولیس ترجمان کا کہنا ہے کہ لوگوں کو لوٹنے والے ایشیائی گروہ کو گرفتار کر لیا گیا ۔ ملزمان کھلونے کی پستول دکھا کر غیر ملکیوں کو لوٹا کرتے تھے ۔ سبق نیوز کے مطابق ریا ض پولیس میں ایک خاتون نے رپورٹ درج کروائی کہ اسکے گھریلو ڈرائیور کو نامعلو م افراد نے اسلحہ دکھا کر لوٹ لیا ۔ ملزمان ڈرائیور کے کمرے میں داخل ہوئے جنہوں نے نقا ب پہن رکھی تھی ۔ ملزمان کی تعداد 5 تھی جن میں سے ایک نے ہاتھ میں سیاہ رنگ کی پستول بھی پکڑی ہوئی تھی جسے دکھا کر انہو ںنے ڈرائیور کے پاس موجود نقدی ، موبائل فون اور دیگر اشیاءلے کر فرار ہو گئے ۔ پولیس ترجمان کا کہنا تھا کہ وقوعہ کے رپورٹ درج ہونے کے بعد تحقیقات کا آغاز کیا گیا جس میں تفتیشی ٹیم جلدی ہی کسی نتیجے پر پہنچ گئی ۔ ٹیم کے اہلکار ایک مشکوک شخص کو گرفتار کرنے میں کامیاب ہو گئے جس نے اپنے دیگر ساتھیوں کے بارے میں بھی بتادیا ۔ ملزمان کے قبضے سے واردات میں استعمال ہونے والی کھلونہ پستول بھی برآمد ہو گئی ۔ ابتدائی تحقیقات میں ملزمان نے اعتراف کیا کہ انہو ں نے متعدد بنگالیوں اور دیگر غیر ملکیوںکو بھی اسی طرح نقلی پستول دکھا کر لوٹاہے ۔ ملزمان کےخلاف مقدمہ درج کرکے ان کا چالان پراسیکیوشن جنرل کے ادارے کو بھجوا دیا گیاجہاں سے تحقیقات مکمل ہونے کے بعدحتمی چالان عدالت میں پیش کیا جائیگا۔
