نجی کوائف دریافت کرنا موجب سزا جرم

ریاض...سعودی وزارت داخلہ نے ”کلنا امن“ ایپلی کیشن کے ذریعے خبردار کیا ہے کہ جو شخص بھی نجی کوائف غیرقانونی طریقے سے حاصل کرنے یا حاصل کرکے ڈرانے دھمکانے کی واردات کریگا ،اس پر جرمانہ بھی ہوگا اورقید کی سزا بھی دی جائیگی۔ یہ عمل موجب سزا جرم ہے۔ وزارت نے ٹویٹر کے اپنے اکاﺅنٹ پر توجہ دلائی کہ مذکورہ جرم پر ایک برس تک قید یا 5لاکھ ریال تک کا جرمانہ ہوسکتا ہے۔ اسکی اطلاع ”کلنا امن“ ایپلی کیشن میں ”الدوریات“ پر نشان لگا کر دی جاسکتی ہے۔