ہندوستانی قونصلیٹ ٹیموں کے ینبع،نجران اور الباحہ کے دورے

جدہ.... ہندوستانی قونصلیٹ کی ایک ٹیم ینبع، نجران اور الباحہ کا دورہ کریگی اور وہاں ہندوستانی کمیونٹی کو قونصلر خدمات فراہم کریگی۔ ٹیم ینبع میں جمعہ6جولائی کو صبح 8بجے سے12 بجے اور پھر ایک بجے سے 7بجے تک خدمات انجام دیگی۔ یہ ٹیم وہاںوی ایف ایس گلوبل شاپ نمبر 3ہگی سینٹر، کنگ عبدالعزیز اسٹریٹ بالمقابل الفالح اسپورٹس ہاﺅس میں اپنا دفتر قائم کریگی۔ نجران جانے والی ٹیم جمعہ کو 8بجے سے بارہ بجے تک اور پھر ایک بجے سے 7بجے شام تک قونصلر خدمات انجام دیگی۔ یہ ٹیم نجران ہوٹل میں اپنا دفتر قائم کریگی۔ اسکا رابطہ نمبر 017-5221919 - 5221418ہے۔ الباحہ جانے والی ٹیم جمعہ 6جولائی کو صبح 8بجے سے 12بجے تک اور پھر ایک بجے سے شام 7بجے تک قونصلر خدمات فراہم کریگی ۔ یہ ٹیم الظلفان ہوٹل الباحہ میں اپنا دفتر قائم کریگی جس کا فون نمبر 017-7251053ہے۔