امارات میں نئے ٹریفک قوانین کا نفاذ کب، سزائیں اور جرمانے کیا ہیں؟
ڈرائیونگ لائسنس کے اجرا کے لیے 4 شرائط رکھی گئی ہیں۔ (فوٹو: امارات الیوم)
متحدہ عرب امارات میں گزشتہ برس منظور ہونے والے نئے ٹریفک قوانین پر رواں برس 20 مارچ سے عمل درآمد کا آغاز کردیا جائے گا۔
امارات الیوم کے مطابق نئے ٹریفک قوانین میں 10 شقوں کی وضاحت کی گئی ہے جن میں ڈرائیونگ لائسنس کے اجرا کے لیے بنیادی طورپر 4 شرائط رکھی گئی ہیں۔
قانون کی شق نمبر 12 کے مطابق متعلقہ ادارے کو یہ اختیار ہو گا کہ وہ ڈرائیونگ لائسنس کو اس وقت معطل کردے جب یہ ثابت ہو کہ لائسنس ہولڈر جسمانی طورپر فٹ نہیں رہا اس صورت میں لائسنس کی تجدید بھی روکی جاسکتی ہے۔
شق نمبر31 کے مطابق اگر لائسنس ہولڈر سے مختلف نوعیت کے جرائم جن میں غفلت کی وجہ سے ٹریفک حادثے میں فریق مخالف کی موت ہونا یا سنگین نقصان پہنچنا ، خطرناک انداز میں گاڑی چلانا، نشے کی حالت میں ڈرائیونگ کرنا، حادثے کی صورت میں اپنی شناخت کو چھپانے کے لیے غلط بیانی کرنا اور حادثے کے بعد جائے وقوعہ سے فرار ہونے کی کوشش کرنا شامل ہے۔
قانون کی شق نمبر 32 کے مطابق متعلقہ ادارے 7 حالتوں میں گاڑی کو اپنی تحویل میں لے سکتے ہیں جن میں گاڑی میں بنیادی ضروریات کا فقدان ہونے کے باوجود شاہراہ عام پر ڈرائیونگ کرنا جن میں نمبر پلیٹ کا نہ ہونا، ہیڈ لائٹس یا بریکس خراب ہونے کی صورت میں گاڑی کو لوڈنگ وینچ پر ورکشاپ پہنچانا ہوگا۔
ڈرائیونگ لائسنس کے بغیر گاڑی چلانے کی صورت میں بھی گاڑی پولیس کی تحویل میں لی جاسکتی ہے۔
گاڑی کی ساخت میں بغیر اجازت کے تبدیلی کرنا بھی قانون شکنی ہو گی جس پرگاڑی کو پولیس اپنی تحویل میں لے سکتی ہے۔ گاڑی کسی واردات میں استعمال کی گئی ہو۔
ڈرائیونگ لائسنس کے حوالے سے قانون کی شق نمبر37 کے مطابق شاہراہ پر بغیر لائسنس کے ڈرائیونگ کرنا یا کوئی ایسا لائسنس رکھنا جو امارات میں قابل قبول نہ ہو اس صورت میں پہلی بار 2 ہزار سے 10 ہزار درھم جرمانہ ہو گا۔
یہی جرم دبارہ ہونے کی صورت میں جرمانہ 5 ہزار سے 50 ہزار درھم ہو گا علاوہ ازیں تین ماہ تک قید کا سامنا بھی کرنا پڑے گا۔
ڈرائیونگ کے دوران حادثاتی طورپر کسی کی موت ہونے کی صورت میں جرمانہ 50 ہزار درھم اور قید یا دونوں سزائیں بھی بیک وقت دی جاسکتی ہیں۔
اگر حادثہ ڈرائیور کی غفلت کی وجہ سے ہوا جس میں کسی کی موت ہوجائے اور یہ ثابت ہو کہ حادثے کا سبب بننے والے نے ٹریفک سگنل توڑا جس کی وجہ سے حادثہ ہوا یا نشے کی حالت میں ڈرائیونگ کرنے کی وجہ سے حادثہ ہوا یا ضبط شدہ ڈرائیونگ لائسنس پر گاڑی چلائی جائے اور حادثے ہو جائے سیلابی پانی کی گزر گاہوں میں جان بوجھ کرڈرائیونگ کرنے کی صورت میں ایک لاکھ درھم جرمانہ اور ایک برس تک قید کی سزا مقرر ہے۔
ٹریفک قانون میں نئی خلاف ورزی ’روڈ ریج‘ شامل کرنے کی تجویزNode ID: 817441
امارات کا نیا ٹریفک قانون، پیدل سڑک کراس کرنے والوں پر بھی جرمانے ہوں گےNode ID: 880961 hn میں کم از کم عمر 17 برس ہو اور میڈیکلی فٹ ہونا بنیادی شرائط میں شامل ہےعلاوہ ازیں ڈرائیونگ کے فزیکل اور دیگر امتحانوں میں کامیاب ہونا اہم ہے۔
