عمران خان کا دیرینہ خواب ، شیفلڈ شیلڈ طرز کی کرکٹ

اسلام آباد:وزیر اعظم عمران خان کا دیرینہ خواب پورا ہونے کے قریب ہے۔ پاکستان میں آسٹریلیا کے شیفلڈ شیلڈ طرزکی فرسٹ کلاس کرکٹ کا ڈھانچہ بنانے کا فیصلہ کیاگیا ہے۔پی سی بی ذرائع نے کہاہے کہ ڈپارٹمنٹل کرکٹ کے ڈھانچے کو ازسرنو ترتیب دینے کا فیصلہ کیاگیاہے۔ ذرائع کے مطابق ریجنل کرکٹ سے ہی بہترین کھلاڑیوں کا انتخاب کیا جائےگا۔ ریجنل کرکٹ سےائے کھلاڑیوں کوبین الاقوامی کرکٹ میں موقع دیا جائےگا۔ وزیراعظم عمران خان نے پی سی بی کو فرسٹ کلاس کرکٹ پرکام کرنے کی ہدایت کردی ہے۔ گزشتہ روز نامزد چیئرمین پی سی بی احسان مانی کی وزیراعظم عمران خان سے اسلام آباد میں جوملاقات ہوئی تھی اس میں کرکٹ کے امورپر تبادلہ خیال کیاگیا اور پاکستان کرکٹ کو درپیش چینلجزپر بات کی گئی۔