#ہمیں_پیار_ہے_پاکستان_سے
آئی ایس پی آر کی جانب سے یوم دفاع کے حوالے سے خصوصی نغمہ ہمیں پیار ہے پاکستان سے ریلیز کردیا گیا ہے۔ ٹویٹر صارفین بھی یوم دفاع کو بھرپور طریقے سے منانے کے لیے پرجوش ہیں اور شہداء کو خراج تحسین پیش کر رہے ہیں۔
طاہر خٹک نے ٹویٹ کیا : ہم اپنے ان تمام شہداء کو سلام پیش کرتے ہیں جنہوں نے اپنی جان ایک پر امن ، ترقی یافتہ اور خوشحال پاکستان کے لیے قربان کر دی۔
ارشمہ خان نے لکھا : ہماری یہ آزادی بغیر کسی قربانی کے نہیں بلکہ پاکستان آرمی نے اس کی قیمت اپنی زندگی سے ادا کی ہے۔
حسنین بلوچ نے کہا :پاکستان آرمی نے پاکستان کو پرامن اور خوشحال ملک بنانے کے لیے بہترین کردار ادا کیا۔ شکریہ پاک فوج۔
رمشہ امجد نے لکھا : ہم بحیثیت قوم اپنی مسلح افواج پر فخر کرتے ہیں کہ انہوں نے اپنی پوری قوت کے ساتھ اس ملک کا دفاع کیا۔
اسد الرحمان نے ٹویٹ کیا : یہ قوم اپنے تمام جانثاروں کو ان کی وطن کی حفاظت کے لیے بے لوث کوششوں پر سلام پیش کرتی ہے۔
کاشف نے کہا کہ ردالفساد اور ضرب عضب جیسے ملٹری آپریشنز ہماری فوج کی ایک بڑی کامیابی ہیں جن سے دہشتگردی کا ایک خوفناک دور اپنے انجام کو پہنچا۔
عائشہ خان نے ٹویٹ کیا : یوم دفاع کے موقع پر سب لوگ اپنے شہدا کو خراج تحسین پیش کرے جنہوں نے اپنی جان ہمارے بہترین مستقبل اور اس قوم کے لئے قربان کر دی۔
