پولیس نے اداکارہ میرا کو کیوں چھوڑا؟

  کراچی.. کراچی پولیس نے کلفٹن میں ایک گھر سے مشکوک حرکات کرتے ہوئے پکڑے گئے اداکار علی سلیم عرف بیگم نوازش علی اور دیگر ملزمان کو عدالت میں پیش کردیا ۔اس موقع پر میڈیا کے سوال پر علی سلیم نے اقرار کیا کہ اداکارہ میرا بھی وہاں موجود تھیں ۔ پوچھا گیا کہ پولیس نے انہیں کیوں چھوڑ دیا جس پراداکار نے لاعلمی کا اظہار کیا۔ اداکارہ میرا نے موقف اختیار کیا کہ ریسٹ ہاوس میں فلم کی شوٹنگ کررہے تھے۔ کچھ لوگ آئے اورشناختی کارڈ چیک کرنے لگے۔علی سلیم برابر والے کمرے میں آرام کر رہا تھا۔پولیس نے دعوی کیا کہ کمرے سے شراب کی بوتلیں برآمد ہوئیں۔علی سلیم کا الکحل ٹیسٹ مثبت نکلا ہے۔واضح رہے کہ پولیس نے کلفٹن میں مغوی بچے اور اغواکاروں کی موجودگی کی اطلاع پر چھاپہ مارا تھا ۔اغوا کا ر تو نہیں ملے پولیس نے اداکار علی سلیم اور دیگرکو حراست میں لے لیا۔