نجران پر میزائل حملہ، 26شہری زخمی

ریاض.... سعودی محکمہ شہری دفاع نے واضح کیا ہے کہ یمنی شہر صعدہ سے داغے جانے والے بیلسٹک میزائل کا ملبہ آبادی پر گرنے سے2بچوں سمیت 26افراد زخمی ہوگئے۔ میزائل کو ہدف پر پہنچنے سے قبل ہی فضا میں تباہ کردیا گیاتھا۔15زخمیوں کو موقع پر ہی مرہم پٹی کرکے فارغ کردیا گیا جبکہ 11زخمیوں کو علاج کیلئے اسپتال میں داخل کیا گیا۔ حوثیوں نے میزائل حملہ جان بوجھ کر آبادی پر کیا تھا۔