رہائشی اسکیم کے مکانات سے مودی اور شیوراج کی تصاویر ہٹا دی گئیں

اندور۔۔۔۔کانگریس کے احتجاج اور ہائیکورٹ کے حکم کے بعد جھابوا کے علاقے میں وزیر اعظم رہائشی منصوبے کے تحت تعمیر مکانات میں نصب وزیر اعظم نریندر مودی اور مدھیہ پردیش کے وزیر اعلیٰ شیوراج سنگھ چوہان کی تصویریں ہٹائی جارہی ہیں۔مکانات میں تصاویر کو مدھیہ پردیش ہائیکور ٹ نے انتخابی قواعد و ضوابط کی خلاف ورزی قراردیتے ہوئے انہیں ہٹانے کی ہدایت جاری کی تھی۔سرکاری افسران کے مطابق پیٹلاواڑ علاقے میں وزیر اعظم ہاؤسنگ اسکیم کے تحت 234مکانات تعمیر کئے گئے تھے جن میں 45x60سینٹی میٹر سائز کے  ٹائلز پر وزیر اعظم مودی اورریاستی وزیر اعلیٰ کی تصویرکے ساتھ ’’سب کا سپناگھر ہو اپنا‘‘  نعرہ تحریرہے۔کانگریس نے اس معاملے میں الیکشن کمیشن سے شکایت کی تھی کہ وزیر اعظم رہائشی اسکیم کے تحت تعمیر مکانات میں نصب ٹائلز ہٹائے جائیں جو انتخابی قواعد کی خلاف ورزی ہے جس پر ہائیکورٹ نے تصاویر ہٹانے کا حکم جاری کیا۔ان مکانات کے بعض مکینوں نے ان تصاویر پر پینٹ اور اخبارات چسپاں کردیئے۔

مزید پڑھیں:- - - -زیادتی کیس میں قید ڈیرہ سچا سودا کے سربراہ کے باڈی گارڈ کی خود کشی

ہندوستان کی تازہ ترین خبروں کے لئے ’’اردونیوز انڈیا‘‘ گروپ جوائن کریں

رائے دیں، تبصرہ کریں