اپنی فٹنس کا خیال رکھیں

ہمارے ہاں  فٹنس پر توجہ دینے کا رواج نہیں . روزانہ چہل قدمی اور ورزش  صحت مند زندگی کے بنیادی اصولوں میں سے ہے .  ان اصولوں کو  نظر انداز کرنا بہت سے مسائل کا سبب بنتا ہے .   ذیابیطس ، امراض قلب اور کولیسٹرول میں اضافہ جیسے امراض میں مبتلا ہونے کے بعد  چہل قدمی اور ورزش کی جانب توجہ مبذول کی جاتی ہے .   اور پھر چلنے پھرنے  اور ورزش کرنے کی عادت نہیں ہوتی  لہذا جلد ہی  جوڑوں میں درد اور تھکن اس صحت مند   سرگرمی  کا خاتمہ کر دیتے ہیں .  اگر آپ فٹ ، اسمارٹ اور  صحت مند رہنا چاہتی ہیں تو اپنے طرز زندگی میں مثبت تبدیلیاں لائیں  . خوش رہیں  ، اچھی خوراک کھائیں  اور باقاعدگی سے ورزش کریں . اسکے لیے آپ کو جم جانے اور بہت سا پیسہ خرچ کرنے کی ضرورت نہیں  بس قریبی پارک میں چلے جائیں  . واک کریں ، دوڑ لگائیں  . پارک  میں لگانےوالی یہ دوڑ آپ کو تروتازہ بنادے گی .  اپنی ورزش کی نگرانی کے لیے  آپ اپنے اسمارٹ فون میں موجود فٹنس ایپ کااستعمال کرسکتی ہیں .  یہ کام اور آرام  کا درست تناسب معلوم کرنے میں آپ کی مدد کرے گی .