فلپائن میں گرجاگھر پر حملے کی مذمت

ریاض۔۔۔ سعودی عرب نے جنوبی فلپائن کے گرجا گھر پر دہرے بم حملوں کی شدید الفاظ میں مذمت کردی۔ ان حملوں میں کئی افراد ہلاک و زخمی ہوئے تھے۔ وزارت خارجہ کے عہدیدار نے اتوار کو اعلامیہ جاری کرکے توجہ دلائی کہ سعودی عرب ہر طرح کے تشدد ، دہشت گردی اور انتہاءپسندی کا سخت مخالف ہے۔ سعودی عرب نے بم دھماکوں میں ہلاک ہونےو الوں کے اعزہ فلپائن کے دوست عوام اور حکومت سے تعزیت و ہمدردی کا اظہار کیا اور زخمیوں کی فوری شفاءکی آرزو ظاہر کی۔