خالد الفالح نے ” تعدین“ ویب سائٹ کا افتتاح کردیا

ریاض۔۔۔ وزیر توانائی و صنعت و معدنیات خالد الفالح نے پیر کو ”تعدین“ ویب سائٹ کا افتتاح کردیا۔ انہوں نے معدنیات کے شعبوں میں سرمایہ کاروں کی خاطر نیشنل جیولوجیکل ڈیٹا بھی جاری کردیا۔ الفالح نے بتایا کہ جب سے ہم نے سعودی کانکنی اسٹراٹیجی طے کی ہے تب سے کانکنی کے شعبے پر غیر معمولی توجہ دی جارہی ہے۔ انہوں نے امید ظاہر کی کہ ویب سائٹ کی بدولت سرمایہ کاروں کی راہ میں حائل بیشتر رکاوٹیں دور ہوجائیں گی۔ اس پر سعودی اور غیر ملکی سرمایہ کاروں کیلئے 20 آن لائن سہولتیں مہیا ہونگی۔