فیوچر انویسٹمنٹ فورم، چھ ہزار کی شرکت

سعودی دار الحکومت ریاض میں فیوچر انویسٹمنٹ فورم کا انعقاد ہورہا ہے جس میں 30 ممالک سے 6 ہزار افرا دشریک ہوں گے جبکہ فورم سے 300 کے قریب موثر شخصیات سرمایہ کاری کے مستقبل پر اظہار خیال کریں گے۔ 

• روز تازہ، روز نیا، دیکھیے: اردو نیوز بلیٹن

سعودی انویسٹمنٹ فورم کے مطابق اس سال سربراہان ممالک کی سطح پر جو شخصیات فورم میں شرکت کریں گی ان میں انڈین وزیر اعظم نریندر مودی، برازیل کےصدرجیر بولسونارو، برکینا فاسو کے صدرکریسٹف جوزف، اردن کے شاہ عبد اللہ دوم، کینیا کے صدر اوہورو، نائیجر کے صدر محمدو ایسوو، نائیجیریا کے صدر محمدو بخاری اور سیرالیون کے صدر جولیس مادابیو شرکت کریں گے۔ 

فیوچر انویسٹمنٹ فورم جمعرات تک جاری رہے گا۔ اس کے تحت مختلف سرگرمیاں منعقد ہوں گی جن کے تحت مختلف ممالک اپنے ہاں سرمایہ کاری کے مواقع پر روشنی ڈالیں گے۔ 

انویسٹمنٹ فورم کی انتظامیہ نے کہا ہے کہ آج منگل کو انڈین وزیر اعظم نریندر مودی ’انڈیا میں بزنس کے مستقبل‘ کے موضوع پر برج واٹر ایسوسی ایشن کے سربراہ سے تبادلہ خیال کریں گے۔ 

انتظامیہ نے کہا ہے کہ فورم کا اصل مقصد دنیا بھر میں سرمایہ کاری کے نئے مواقع تلاش کرنا اور اسے پروان چڑھانا ہے۔ مستقبل میں دنیا کو معیشت کے شعبے میں کن چیلنجز کا سامنا ہے اور نئی ٹیکنالوجی کے حوالے سے کیا امکانات ہیں۔ 

فورم میں ممالک کے سربراہان، بڑی کمپنیوں کےمالکان، سرمایہ کار اور بزنس کے شعبے سے وابستہ افراد باہم ملاقات کرکے سرمایہ کاری کی نئی راہیں تلاش کریں گے۔ 

واضح رہے کہ اس سے پہلے ریاض میں ہے دو مرتبہ فیوچر انویسٹمنٹ فورم کا انعقاد ہوچکا ہے۔ 

• اپ ڈیٹ رہیں، واٹس ایپ گروپ میں جوائن کریں