مملکت: جانوروں کی پناہ گاہیں کیسی ہوں؟

وزارت ماحولیات و پانی و زراعت نے جانوروں کی پناہ گاہیں اور افزائشی مراکز قائم کرنے کے لیے متعدد شرائط مقرر کی ہیں۔ کئی ضابطے جاری کیے ہیں۔
الوطن اخبار کے مطابق وزارت نے پابندی لگائی ہے کہ
افزائشی مراکز یا جانوروں کی پناہ گاہیں اپنے یہاں آنے والوں جانوروں کا دو سالہ ریکارڈ کم از کم محفوظ رکھیں

جانوروں کے مالکان سے متعلق نجی معلومات کا اندراج کریں
جانوروں کی نگرانی اور علاج پر مامورکلینک کا نام اور پتہ ریکارڈ کریں
جانور کس تاریخ کو کلینک سے فارغ کیا گیا ہے اس کی تاریخ درج کریں
 جانوروں کی پناہ گاہ یا افزائشی مرکز کے ماتحت کلینک میں اسپیشلسٹ مینجر ضرور مقرر کیا جائے
ہر جانور کے لیے الگ سے باڑہ بنانا لازمی ہے

عارضی مراکز کے لیے شرائط
وزارت ماحولیات و پانی و زراعت نے جانوروں کی عارضی پناہ گاہوں کے لیے خصوصی شرائط مقرر کی ہیں۔ عارضی پناہ گاہوں سے مراد وہ مراکز ہیں جہاں جانور 24گھنٹے تک رکھا جاتا ہے۔ اس کی پہلی شرط یہ ہے کہ ہر جانور کے لیے 2.3مربع میٹر جگہ مخصوص کی جائے۔ ایک شرط یہ ہے کہ جو پابندیاں مستقل پناہ گاہوں یا افزائشی مراکز کے لیے مقرر ہیں وہ عارضی مراکز اور پناہ گاہوں کے لیے بھی ہیں۔
وزارت ماحولیات نے یہ پابندی لگائی ہے کہ جانوروں کی پناہ گاہوں یا افزائشی مراکز میں تعینات کیا جانے والا مینجر جانوروں کی ادویہ کا ماہر ہو۔ اسے کتوں اور بلیوں کی نگرانی کا تجربہ ہو اس کے پاس اس کا سرٹیفکیٹ بھی ہونا چاہئے۔

 روزانہ کی بنیاد پر پناہ گاہ یا افزائشی مراکز میں جانوروں کا طبی معائنہ ضرور کیا جائے۔ اس کی یہ بھی ذمہ داری ہے کہ وہ پناہ گاہ یا مرکز میں رہنے والے ہر جانور کی بابت اس کے مالک کو رپورٹ پیش کرے۔ جانوروں کی خوراک اور پانی کی نگرانی کرے۔ روزانہ کی بنیاد پر جانوروں کا طبی معائنہ کرے۔ جانوروں کی جسمانی اور ذہنی صحت کا اہتمام کیاجائے۔ اگرکوئی جانور پناہ گاہ یا مرکز میں موجود دیگر جانوروں کی صحت کے لیے خطرہ ثابت ہوسکتا ہو تو اسے ہنگامی بنیاد پر وہاں سے علیحدہ کردیا جائے۔ مینجر کو اس بات کا بھی اختیار ہے کہ وہ متاثرہ جانور کو اس پر رحم کھاتے ہوئے ضرورت پڑنے پر ہلاک کرنے کا فیصلہ صادر کردے۔
پناہ گاہ یا افزائشی مرکز میں کسی بھی جانور کو داخل کرتے وقت اس بات کا لحاظ رکھا جائے کہ تمام جانور ایک جگہ اکٹھے نہ رکھے جائیں۔ ایک طرح کے جانور کسی ایک باڑے میں رکھے جاسکتے ہیں بشرطیکہ ہر ایک کو مقررہ جگہ فراہم کی جارہی ہو۔

                  
خود کو اپ ڈیٹ رکھیں، واٹس ایپ گروپ جوائن کریں