بغداد میں کئی عشروں کے بعد برفباری

عراقی دارالحکومت بغداد میں منگل کوکئی عشروں کے بعد پہلی برفباری ہوئی ہے۔

بغداد کے باشندے شدید برفباری دیکھ کر حیران ہوگئے۔

سکائی نیوز کے مطابق بغداد کے باشندوں کے لیے سردی کی شدید لہر کے بعد برفباری انہونی بات ہے۔ عراق ان دنوں شدید برفانی ہواﺅں کی زد میں ہے۔ دن کے وقت بھی تیز سرد ہوائیں چل رہی ہیں۔ 

ماہرین موسمیات نے توقع ظاہر کی کہ برفیلا موسم براہ راست عراق کو اپنی لپیٹ میں لیے رکھے گا۔

’طقس العرب‘ ویب سائٹ کے مطابق سردی کی شدید لہر سے عراق کے بیشتر علاقے متاثر ہوں گے اور درجہ حرارت غیر معمولی حد تک گر جائے گا۔

امکان ظاہر کیا جا رہاہے کہ دیالی اور القادسیہ کے بعض علاقے بھی برفباری کی لپیٹ میں آجائیں گے۔

عراق کے محکمہ موسمیات نے توقع ظاہر کی تھی کہ یورپ کے شمال مشرق سے سردی کی شدید لہر رواں ہفتے کے دوران عراق کو اپنی لپیٹ میں لے گا۔

محکمہ موسمیات کے ماتحت میڈیا سینٹر کے ڈائریکٹر عامر الجابری نے عراقی خبررساں ادارے سے گفتگو میں کہا کہ توقع یہ ہے کہ سردی کی لہر بدھ کو ٹوٹ جائے گی۔

سوشل میڈیا صارفین نے بغداد اور عراق کے مختلف علاقوں میں برفباری کی تصاویر اور وڈیوز شیئر کر رہے ہیں۔