مملکت کے کن علاقوں میں بارش متوقع

 سعو دی ماہرموسمیات ڈاکٹر خالد الزعاق نے توقع ظاہر کی ہے کہ آئندہ ہفتے سے مملکت میں معمول کے برخلاف بارش ہوگی- سعودی عرب کے بیشتر علاقے اس کی زد میں آجائیں گے-

اخبار 24 کے مطابق الزعاق نے مزید بتایا کہ بارش کا آغاز پیرکو ہوگا- مرحلہ وار بارش کی شروعات نجران سے ہوگی-

الربع الخالی، جازان، عسیر، باحہ، مکہ مکرمہ، ریاض کے جنوبی علاقے اور الشرقیہ بارش کی لپیٹ میں آتے چلے جائیں گے- بارش کا دائرہ قصیم اور حفر الباطن تک پھیل جائے گا- آخر میں کویت بھی بارش کی زد میں ہوگا-

عاجل ویب سائٹ کے مطابق ریاض ریجن کی الدوادمی کمشنری میں ساجر کے نخلستان آسمانی بجلی سے جل کر تباہ ہوگئے-

شہری دفاع نے ٹویٹر کے اپنے اکاؤنٹ پر بتایا کہ کھجوروں کے درختوں پر بجلی گری تھی- وہاں دو غیرملکی ڈیرہ ڈالے  ہوئے تھے جومحفوظ رہے تاہم کھجور کے درخت جل کر تباہ ہوگئے-