مکہ کا شاپنگ سینٹر سینیٹائزنگ کے بعد کھول دیا گیا
اتوار 26 جولائی 2020 11:46
کارکنوں میں کورونا وائرس کے مثبت نتائج کی تصدیق ہوئی تھی۔(فوٹو سبق)
مکہ میں ایک مشہور شاپنگ سینٹر کو 10 دن تک مکمل صفائی اور سینیٹائزنگ کے بعد خریداری کے لیے دوبارہ کھول دیا گیا ہے۔
سبق ویب سائٹ کے مطابق یہ شاپنگ سینٹر کورونا وائرس کے پھیلاؤ کو روکنے کے لیے احتیاطی تدابیر کے طور پر بند کیا گیا تھا۔
اس شاپنگ سینٹر میں کام کرنے والے چند کارکنوں میں کورونا وائرس ٹیسٹ کے بعد مثبت نتائج کی تصدیق ہوئی تھی۔
انتظامیہ نے خریداروں سے احتیاطی تدابیر کی خواہش کا اظہار کیا ہے(فوٹو: ٹوئٹر)
شاپنگ سینٹر کی انتظامیہ نے 10 دن کی بندش کے دوران مکہ کی بلدیہ اور وزارت صحت کے مکمل تعاون سے پورے شاپنگ سینٹر کے ہر مقام کو سینیٹائز کر دیا ہے۔
شاپنگ سینٹر کی انتظامیہ نے خریداری کے لیے آنے والوں سے کورونا وائرس سے متعلق احتیاطی تدابیر اپنانے کی خواہش کا اظہار اپنے ٹوئٹر اکاؤنٹ پر کیا ہے۔
مکہ ہیلتھ کی جانب سے بھی شاپنگ سینٹر کے تمام ملازمین اور عوام سے ایس او پیز پر مکمل عمل کرنے کا کہا گیا ہے۔
