جازان سے الافلاج پیدل سفر، 70 برس پرانے سفر کی یاد تازہ

سعودی سیاح جبران علی الفیفی نے  جازان کی صبیا کمشنری سے الافلاج کمشنری تک کا سفر پیدل طے کرکے 70 برس پرانے سفر کی یاد تازہ کردی- 

الاخباریہ چینل سے گفتگو کرتے ہوئے الفیفی نے بتایا کہ اس کا مشن یہ ہے کہ وہ جازان سے ریاض تک کا سفر پیدل طے کرے-  

الفیفی اپنے اس سفر میں کتنے قدم چلے اسے شمارکرنے کے لیے وہ سپیشل ایپ استعمال کررہے ہیں-  

الفیفی نے بتایا کہ دراصل  1371 ھ میں ان کے خاندانی بزرگ شیخ جبران مفرح الفیفی نے جازان سے ریاض تک پیدل سفر کرکے بانی مملکت شاہ عبدالعزیز سے بیعت کی تھی- وہ ان کے اس سفر کی یاد تازہ کرنے کے لیے اس مہم پر نکلے ہوئے ہیں- 

الفیفی نے بتایا کہ تھکاوٹ کی وجہ سے پنڈلی میں اکڑن پیدا ہونے اور راستے میں درجہ  حرارت بہت زیادہ ہونے کے باوجود وہ اپنا سفر جاری رکھے ہوئے ہیں-  ریاض ان کی منزل ہے- شروع میں دن اور رات میں سفر کررہے تھے مگر آج کل سخت موسم کی وجہ سے دن کے بجائے رات کے وقت ہی سفر کررہے ہیں- 

خود کو اپ ڈیٹ رکھیں، واٹس ایپ گروپ جوائن کریں