’احساس انڈرگریجویٹ سکالرشپ پورٹل 30 اکتوبر تک کھلا رہے گا‘

وفاقی حکومت نے تعلیمی سال 2021-2020 کے لیے احساس انڈرگریجویٹ سکالرشپ پورٹل کھول دیا ہے، جہاں طلبہ آئن لائن درخواست جمع کروا سکتے ہیں۔ یہ پورٹل 30 اکتوبر تک آن لائن درخواستوں کے لیے کھلا رہے گا۔

وزیراعظم عمران خان کی معاون خصوصی ڈاکٹر ثانیہ نشتر نے پیر کو سماجی رابطے کی ویب سائٹ ٹوئٹر پر اپنے پیغام میں کہا ہے کہ تعلیمی سال 2020/2021 کے سکالرشپ کی آن لائن درخواستوں کے لیے احساس انڈرگریجویٹ سکالرشپ پورٹل کھول دیا گیا ہے، پورٹل 30 اکتوبر تک کھلا رہے گا، سکالرشپ درخواست میں متعلقہ یونیورسٹی کا نام درج کرنا ضروری ہے۔ پورٹل کا لنک درج ذیل ہے۔

سماجی رابطے کی ویب سائٹ ٹوئٹر پر تھریڈ کی شکل میں سکالرشپ سے متعلق معلومات دیتے ہوئے ثانیہ نشتر نے لکھا کہ ملک کی 119 سرکاری یونیورسٹیوں میں چار یا پانچ سالہ انڈرگریجویٹ پروگراموں میں تعلیم حاصل کرنے والے تمام طلبہ وظائف کے لیے درخواست دے سکتے ہیں جبکہ جن طلبہ کی فیملی کی آمدنی 45,000 روپے سے کم ہے، وہ بھی احساس سکالرشپ کے لیے درخواست دے سکتے ہیں۔

ٹوئٹر صارف  کامران روغانی  نے پوچھا ہے کہہ ’پچھلے سال سکالرشپ حاصل کیا ہے کیا ان کا سکالرشپ اگلے سمیسٹروں میں بھی چلے گا یا دوبارہ ایپلائی کرے گا؟ جس کے جواب میں ثانیا نے بتایا کہ ’تعلیمی سال 20 /2019 میں احساس انڈرگریجویٹ سکالرشپ حاصل کرنے والے طالب علموں کو پورٹل پر درخواست دوبارہ جمع کروانے کی ضرورت نہیں ہے۔ ان کے وظائف تعلیمی کارکردگی کی بنیاد پر اگلے سال بھی جاری کر دئیے جائیں گے۔

عثما ن دانش نے پوچھا :کیا اس سکالرشپ کے لیے کالجز میں زیر تعلیم طلبا بھی حصہ لے سکتے ہیں ؟

جس کے جواب میں ثانیا نشتر نے بتایا کہ ’احساس انڈرگریجویٹ سکالرشپ پروگرام ہائر ایجوکیشن کمیشن سے تسلیم شدہ سارے ملک کی پبلک سیکٹر یونیورسٹیوں کے انڈر گریجویٹ طلباء کیلیئے ہے۔بصد معذرت اس پروگرام میں کالجز شامل نہیں ہیں۔‘