جدہ میں شطرنج مقابلے، 44 شہریوں کی شرکت
جمعرات 12 نومبر 2020 9:40
’7 راؤنڈ میں کامیاب ہونے والے 10 کھلاڑیوں کے درمیان حتمی مقابلہ ہوگا‘ ( فوٹو: سبق)
جدہ میں شطرنج ٹورنامنٹ 2020 کا آغاز ہوچکا ہے جس میں مختلف عمر کے 44 شہری شرکت کر رہے ہیں۔
سبق ویب سائٹ کے مطابق ٹونامنٹ میں 7 راؤنڈ ہوں گے جس میں کامیاب ہونے والوں کے درمیان مقابلہ ہوگا۔
انتظامیہ کا کہنا ہے کہ ’ٹورنامنٹ میں ایک 13 سالہ کھلاڑی بھی شریک ہے جس کا نام فیصل الحارثی ہے‘۔
’وزارت کھیل کے تحت منعقد ہونے والا یہ ٹورنامنٹ کورونا کے باعث معطل تھا جسے اب ایس او پیز کے ساتھ شروع کیا گیا ہے‘۔
’ٹورنامنٹ کے پہلے روانڈ کا افتتاح شطرنج لیگ کے سربراہ ماجد السلیمان نے کیا ہے‘۔
انتظامیہ نے کہا ہے کہ ’7 راؤنڈ مکمل کرنے کے بعد حتمی مرحلہ شروع ہوگا جس میں 10 کھلاڑیوں کے درمیان فائنل پر مقابلہ ہوگا جس کی تاریخ کا اعلان بعد میں کیا جائے گا‘۔
سعودی عرب ویکسین حاصل کرنے والے اولین ممالک میںNode ID: 517161
’ہروب‘ لگا ہے یا نہیں، کیسے معلوم کریں؟Node ID: 517171
