وفاقی وزیر دفاع پرویز خٹک کے بھائی اور خیبر پختونخوا کے صوبائی وزیر لیاقت خٹک سے وزارت واپس لے لی گئی۔
خیبر پختونخوا کے جنرل ایڈمنسٹریشن ڈیپارٹمنٹ کی جانب سے جاری نوٹیفکیشن کے مطابق صوبائی وزیر آبپاشی لیاقت خٹک سے وزارت کا قلمدان واپس لے لیا گیا۔
مزید پڑھیں
-
ضمنی انتخابات کے دوران بدنظمی، ڈسکہ میں فائرنگ سے دو افراد ہلاک
Node ID: 542491
-
ضمنی الیکشن، ن لیگ کو دو صوبائی نشستوں پر کامیابی
Node ID: 542636
-
پاکستان تحریک انصاف کے آفیشل ٹوئٹر اکاؤنٹ پر لیاقت خٹک کی برطرفی کا نوٹیفکیشن شیئر کرتے ہوئے لکھا گیا کہ وزیر اعظم عمران خان کی منظوری کے بعد پارٹی قواعد اور ڈسپلن کی خلاف ورزی اور یی کے 63 کے الیکشن میں اپوزیشن کے امیدوار کو سپورٹ کرنے پر وزیراعلی کے پی محمود خان نے صوبائی وزیر لیاقت خٹک کو فارغ کر دیا۔
خیال رہے جمعے کو ہونے والے ضمنی انتخابات میں پاکستان تحریک انصاف نوشہرہ کے حلقے پی کے 63 میں گزشتہ عام انتخابات میں جیتی ہوئی سیٹ ہار گئی تھی۔
پرویز خٹک کے بھائی لیاقت خٹک پر ضمنی انتخاب میں اپوزیشن کے امیدوار کو سپورٹ کرنے کا الزام ہے۔
وزیراعظم @ImranKhanPTI کی منظوری کے بعد پارٹی قواعد اور ڈسپلن کی خلاف ورزی پر وزیراعلی @IMMahmoodKhan کا سخت نوٹس۔
پی کے 63 الیکشن میں اپوزیشن کے امیدوار کو سپورٹ کرنے پر صوبائی وزیر لیاقت خٹک فارغ، نوٹیفیکیشن جاری۔ pic.twitter.com/l7PKlkAr4Y
— PTI (@PTIofficial) February 20, 2021
