سعودی عرب اور امریکہ آئندہ ہفتے ’فالکن کلاز 3‘ 2021 کے عنوان سے مملکت کے شمال مغربی علاقے میں بری فوجی مشقیں کریں گے- سعودی رائل بری افواج نے مشترکہ مشقوں میں شرکت کی تمام تیاریاں مکمل کرلیں-
سعودی خبررساں ادارے ’ایس پی اے‘ کے مطابق یہ مشقیں مشترکہ فوجی تعاون اور عسکری کارروائی میں ہم آہنگی بہتر بنانے کی غرض سے ہوں گی-
سعودی عرب اور امریکہ مشترکہ فوجی مشقیں کرکے تجربات اور عسکری تصورات کا تبادلہ کرتے رہے ہیں- نئی مشقیں اسی روایت کا حصہ ہے- دونوں دوست ممالک علاقائی چیلنجوں سے نمٹنے کے لیے حربی استعداد بڑھانے کی خاطر نئی مشقیں کریں گے-
