کسٹم ڈیوٹی کا تعین خاندان پر نہیں بلکہ افراد کے حساب سے کیاجاتا ہے(فوٹو، ٹوئٹر)
سعودی محکمہ زکوہ ، ٹیکس و کسٹم کا کہنا ہے کہ 3 ہزار ریال کی مقررہ حد سے زیادہ ذاتی سامان لانے والے مسافروں کو ڈیوٹی ادا کرنا ہو گی۔ استعمال شدہ سامان پر کسٹم ڈیوٹی عائد نہیں کی جاتی۔
ویب نیوز عاجل نے سعودی محکمہ کسٹم و ٹیکس کے ٹوئٹر پرایک شخص کی جانب سے ڈیوٹی کے حوالے سے کیے گئے استفسار جس میں ذاتی کی مالیت اور افراد کے تعین کے حوالے سے دریافت کیا گیا تھا کے بارے میں محکمہ کسٹم کی جانب کی گئی وضاحت پیش کی ۔
استعمال شدہ اشیا پر کسٹم ڈیوٹی عائد نہیں کی جاتی (فوٹو، ٹوئٹر)
سوال کے جواب میں محکمہ کسٹم کا کہنا تھا کہ ذاتی استعمال کی ایسی اشیا جن کی مالیت 3 ہزار ریال سے زائد ہو گی اس پر ڈیوٹی فی فرد کے حساب سے عائد کی جاتی ہے خاندان کے حساب سے نہیں۔
محکمہ کسٹم کا مزید کہنا تھا کہ استعمال شدہ ذاتی سامان پر کسٹم ڈیوٹی عائد نہیں کی جاتی ۔ لایا جانے والا قیمتی سامان فیکٹری کی پیکنگ میں ہو اور استعمال شدہ نہ ہواور اسکی مالیت 3 ہزار ریال سے زائد ہو تو اس پر ڈیوٹی ادا کرنا لازمی ہوتا ہے۔
ایسی اشیا جن کی مالیت کا تعین کرنے کےلیے مسافروں کی جانب سے خریداری رسید مہیا نہ کیے جانے کی صورت میں سامان کی مالیت کا تعین محکمہ کسٹم کی مخصوص کمیٹی کرے گی۔
مقررہ کمیٹی کی جانب سے متعین کی گئی قیمت کے حساب سے سامان پرڈیوٹی ادا کرنا مسافر کے ذمہ ہوتا ہے۔
سمارٹ گھڑیوں کی درآمد پر کسٹم ڈیوٹی نہیںNode ID: 529321
’مسافروں کے نئے نجی سامان پر کوئی ٹیکس نہیں‘Node ID: 549641
