کورونا سے ایک ہی دن میں 15 افراد ہلاک ہوئے(فوٹو، ٹوئٹر)
سعودی وزارت صحت کے مطابق مملکت میں گزشتہ 24 گھنٹے کے دوران کورونا کے مزید 12 سو 61 مریضوں کی تصدیق ہوئی ہے جبکہ ایک ہی دن میں 15 افراد ہلاک ہوئے۔
سعودی خبررساں ایجنسی ’ایس پی اے‘ کے مطابق جمعرات کو وزارت صحت کی جانب سے کورونا صورتحال پرمبنی جاری رپورٹ میں کہا گیا ہے کہ اب تک مملکت میں کورونا کے مصدقہ کیسز کی تعداد 4 لاکھ 54 ہزار 217 ہو گئی ہے۔
کورونا سے 24 گھنٹے کے دوران ایک ہزار 364 افراد صحتیاب ہونے کے بعد اس مرض سے اب تک 4 لاکھ 36 ہزار 884 افراد شفایاب ہو چکے ہیں ۔
مکہ ریجن میں مریضوں کی تعداد سب سے زیادہ رہی(فوٹو، ٹوئٹر)
اس وقت سعودی عرب کے مختلف شہروں میں 9 ہزار 925 افراد کورونا کے مرض میں مبتلا ہیں جن میں سے 1 ہزار 516 کی حالت نازک ہونے کی وجہ سے انہیں انتہائی نگہداشت کے یونٹ میں رکھا گیا ہے۔
وزارت صحت کی جانب سے جاری اعداد وشمار کے مطابق جمعرات کو سب سے زیادہ مریض مکہ ریجن میں سامنے آئے جن کی تعداد 402 ہے جبکہ ریاض میں 292 ، مشرقی ریجن میں مریضوں کی تعداد 166 رہی۔
مدینہ منورہ ریجن میں 120 افراد کورونا میں مبتلا پائے گئے، عسیر ریجن میں مریضوں کی تعداد 72 رہی جبکہ جازان ریجن میں 61 ، قصیم ریجن میں 55 ، تبوک ریجن میں 27 افراد میں کورونا وائرس کی ٹیسٹ مثبت آیا۔
حائل اورنجران ریجن میں 19 ، انیس افراد میں کورونا وائرس کی تصدیق ہوئی جبکہ الباحہ ریجن میں 15 ،شمالی حدود ریجن میں 10 اور الجوف ریجن میں 3 افراد میں کورونا وائرس کی تصدیق ہوئی۔
وزارت صحت کے مطابق مملکت میں کورونا سے اب تک مجموعی ہلاکتوں کی تعداد 7 ہزار 408 تک پہنچ چکی ہے۔
الجوف ریجن میں تین افراد میں کورونا وائرس کی تصدیق ہوئی(فوٹو، ٹوئٹر)
وزارت صحت کا کہنا ہے کہ کورونا وائرس سے حفاظت کے لیے مقررہ ضوابط پر عمل کرنا ضروری ہے جس کےلیے سماجی فاصلے کا اصول انتہائی اہم ہے۔ عوامی مقامات پرماسک کی پابندی کرنے کے علاوہ ہاتھوں کی صفائی کا خاص خیال رکھیں۔
کورونا کے ایک ہزار 269 نئے کیسز، 16 امواتNode ID: 570571
فائزر حجاج، ورک ویزا رکھنے والے افراد کو لگے گی، اسد عمرNode ID: 570826
