دبئی کے ماجد الفطیم جو اس وقت سعودی عرب کے نو شہروں میں 21 کار فور سٹورز چلا رہے ہیں 2025 تک مملکت میں اپنے سٹور نیٹ ورک کو دگنا کرنے کا ارادہ رکھتے ہیں۔
ماجد الفطیم ریٹیل کے سی ای او ہانی ویس نے عرب نیوز کو بتایا کہ ’کار فور اپنے متنوع کسٹمر بیس کی بڑھتی ہوئی ضروریات کو پورا کرنے کے لیے مختلف سٹور فارمیٹس کے ساتھ ساتھ متعدد آن لائن آفرز کرتا ہے۔
اس وقت یہ سعودی عرب کے نو شہروں میں 21 سٹورز چلا رہا ہے۔ اس سال ماجد الفطیم مملکت میں چھ ہائپر مارکیٹس اور تین سپر مارکیٹوں سمیت چھ نئے سٹور کھولنے کے لیے کام کر رہا ہے اور 2025 تک اپنے سٹور نیٹ ورک کو دگنا کرنے کا ارادہ رکھتا ہے۔‘
گذشتہ سال آن لائن فروخت میں 285 فیصد اضافہ ریکارڈ کیا تھا(فوٹو عرب نیوز)
کورونا کی عالمی وبا کے باعث پوری دنیا میں آن لائن شاپنگ میں اضافے کے ساتھ ماجد الفطیم نے گذشتہ سال سعودی عرب میں آن لائن فروخت میں 285 فیصد اضافہ ریکارڈ کیا تھا جس کی وجہ سے کمپنی مملکت میں اپنے آن لائن آپریشن کی توسیع کو تیز تر بنا رہی ہے۔
ماجد الفطیم ریٹیل کے سی ای او ہانی ویس نے کہا کہ ’ اس میں ریاض میں ایک بڑا آن لائن فلفلمینٹ مرکز کھولنا اور آن لائن آرڈر کو پورا کرنے کے لیے ہمارے نو کسٹمر سٹورز کو چلانا شامل ہے۔ جدہ میں ہمارے خود کار فلفلمینٹ مرکز کا افتتاح ماجد الفطیم کی کیریفور کارروائیوں میں ڈیجیٹل تبدیلی کا حالیہ اقدام ہے۔‘
انہوں نے مزید کہا کہ ’ اپنی ای کامرس کی پیشکش کو تیز کیا ہے کیونکہ ہمیں یقین ہے کہ یہ ہمارے گروسری کے کاروبار میں مکمل ڈیجیٹل تبدیلی کے حصے کے طور پر سعودی عرب میں ہمارے گروسری کے کاروبار کا ایک اہم نشوونما ثابت ہو گا۔‘
سعودی عرب کے نو شہروں میں کارفور کے 21 سٹورز موجود ہیں۔(فوٹو عرب نیوز)
ریاض میں نو ہزار مربع میٹر سینٹر ماجد الفطیم اپنے آن لائن کیریفر بزنس کے لیے سب سے بڑا ہے اور دن کے 24 گھنٹے، ہفتے کے سات دن کام کرتا ہے جس میں ہر روز پانچ ہزار آرڈرز لیے جاتے ہیں۔
500 سے زیادہ ورکرز ان آرڈرز کو پروسیس کرتے ہیں جو 150 ریفریجریٹیڈ ٹرکوں کے بیڑے کے ذریعے ان آرڈرز کو ڈیلیور کیے جاتا ہے۔
ماجد الفطیم نے حال ہی میں جدہ کے السلیمانیہ میں اپنے کار فور سٹور پر ایک خودکار فلفلمینٹ مرکز شروع کیا ہے۔ ڈیجیٹائزڈ اسٹوریج چننے کی سہولت آرڈروں پر کارروائی کرنے کے لیے درکار وقت کو نصف کر دیتی ہے۔
ہانی ویس نے کہا کہ ’دوسرا مرکز 2022 میں ریاض کی خدمت کے لیے کھولنا ہے اور آئندہ برسوں میں جن میں مشرقی صوبہ بھی شامل ہے مملکت میں مزید پانچ سے سات سٹورز کھولنے کا ارادہ ہے۔‘
