سلطان ہیثم بن طارق سعودی عرب پہنچ گئے، ولی عہد نے استقبال کیا

عمان کے فرمانروا سلطان ہیثم بن طارق سعودی عرب پہنچ گئے۔

نیوم کے انٹر نیشنل ایئرپورٹ پر ولی عہد و وزیر دفاع شہزادہ محمد بن سلمان نے ان کا استقبال کیا ہے۔

نیوم ایئرپورٹ پر سلطان ہیثم کی آمد پر سعودی ایئر فورس نے عمان کے پرچم کے رنگوں سے کرتب دکھائے۔

سلطانی وفد کے ایئرپورٹ پر اترتے ہی انہیں 21 توپوں کی سلامی دی گئی۔

بعد ازاں سعودی عرب اور عمان کے قومی ترانے بجائے گے۔

سلطان عمان کو اس دورے کی دعوت خادم حرمین شریفین شاہ سلمان نے دی ہے۔

زید پڑھیں

العربیہ کے مطابق عمان کی سرکاری نیوز ایجنسی نے کہا ہے کہ سلطان ہیثم بن طارق مسقط ایئرپورٹ سے روانہ ہوئے ہیں۔

ان کے ہمراہ وزرائے داخلہ، خارجہ اور سرمایہ کاری کے علاوہ سرکاری وفد ہے۔

واضح رہے کہ سلطان ہیثم پہلی مرتبہ سرکاری دورے پر سعودی عرب پہنچے ہیں۔

مراسم استقبال رسمية لسلطان عُمان لدى وصوله مطار خليج نيوم، حيث قدمت طائرات الصقور السعودية استعراضاً جوياً رسمت فيه ألوان العلم العماني، وأطلقت المدفعية السعودية 21 طلقة ترحيباً بقدوم جلالته. #السلطان_هيثم_يزور_المملكة
⁧#واس pic.twitter.com/Ui0GqS3cS1

سعودی پریس ایجنسی (ایس پی اے) کے مطابق ’یہ دورہ دونوں ملکوں کی قیادت کے مابین تاریخی اور برادرانہ تعلقات کو مستحکم کرنے کے فریم ورک کے تحت ہے۔‘

ایس پی اے کے مطابق اس دورے کا مقصد تعاون کو وسعت دینے اور مختلف شعبوں میں مشترکہ کام کے راستے بنانا ہے تاکہ دونوں ملکوں کے عوام کے مفاد میں تیزی سے ترقی کی جا سکے۔

ایس پی اے کے مطابق دورے کا مقصد ’گہرے تاریخی تعلقات کو مزید مضبوط بنانا اور دونوں ملکوں کے درمیان تعاون کے لیے نئے شعبوں کی تلاش خصوصاً تجارت، انفراسٹرکچر اور ڈویلپمنٹ میں آگے بڑھنا ہے۔‘