موسم کی صورتحال: جازان، عسیر اور باحہ میں منگل کو بارش کا امکان

سعودی عرب میں موسمیات کے قومی مرکز نے کہا ہے کہ منگل کو بھی جازان، عسیر اور باحہ میں گرج چمک کے ساتھ بارش کا امکان ہے۔

اخبار 24 کے مطابق قومی مرکز نے بیان میں کہا کہ مملکت کے جنوب مغربی کوہستانی علاقوں میں گرد آلود ہوائیں چلیں گی۔

مکہ مکرمہ اور مدینہ منورہ کے ساحلی مقامات بھی گرد آلود ہواؤں کی لپیٹ میں ہوں گے۔ 

قومی مرکز کا کہنا ہے کہ منگل کو سب سے زیادہ درجہ حرارت 46 سینٹی گریڈ الاحسا اور سب سے کم پندرہ سینٹی گریڈ السودۃ میں ہوگا۔