مالدیپ میں کنگ سلمان مسجد کا افتتاح رواں ہفتے

مالدیپ میں کنگ سلمان مسجد کا افتتاح رواں ہفتہ ہوگا۔

سبق ویب سائٹ کے مطابق مالدیپ میں شاہ سلمان سے منسوب مسجد کی تعمیر پر 25 ملین ریال لاگت آئی ہے ۔

مسجد میں 6 ہزار نمازیوں کی گنجائش ہے اور ملک کی سب سے بڑی مسجد ہے۔

ذرائع کا کہنا ہے کہ سعودی وفد مالدیپ پہنچ چکا ہے جو مقامی حکام سے مسجد کی افتتاحی تقریب کے حوالے سے معاملات طے کرے گا۔

واضح رہے کہ مسجد کی تعمیر کا کام 2008 میں شروع ہوا تھا۔ اس کا افتتاح گزشتہ رمضان المبارک میں مقرر تھا مگر کورونا کے باعث اسے ملتوی کیا گیا۔

مسجد میں 5 مینار اور 7 منزلیں ہیں۔ اس میں متعدد ہال کے علاوہ بین الاقوامی مکتبہ اور تعلیم قرآن کا مرکز بھی ہے۔

مسجد میں کانفرنس ہال اور کلاس روم بھی ہیں۔ گاڑیوں کے وسیع وعریض پارکنگ بھی ہے۔