برفانی طوفان کے باعث البرس سر کرتے ہوئے پانچ کوہ پیما ہلاک

روسی حکام کے مطابق برفانی طوفان کے باعث البرس سر کرتے ہوئے پانچ کوہ پیما ہلاک ہوگئے ہیں جبکہ 14 کوہ پیماؤں کو بچایا گیا۔

فرانسیسی خبر رساں ادارے اے ایف پی کے مطابق البرس یورپ کی بلند ترین چوٹی ہے جو پانچ ہزار چھ 52 میٹرز اونچی ہے۔

جمعرات کا واقعہ اس وقت پیش آیا جب کوہ پیماؤں کا ایک گروپ پانچ ہزار میٹر کی بلندی پر خراب موسم کا شکار ہوا۔ حالیہ برسوں میں یورپ کی بلند ترین چوٹی پر یہ بدترین حادثات سے میں سے ایک ہے۔

روس کی وزارت ایمرجنسیز کے مطابق ’بدقسمتی سے پانچ افراد ہلاک ہوگئے ہیں۔‘

وزارت نے بتایا کہ باقی 14 کوہ پیماؤں کو بچا لیا گیا اور ازاؤ کی وادی میں پہنچایا گیا۔

وزارت کا کہنا تھا کہ ’انتہائی مشکل حالات‘ میں پانچ گھنٹے تک ریسکیو آپریشن کیا گیا۔

دی کمپنی البرس گائیڈ جس نے اس مہم کا انتظام کیا گیا تھا، کا کہنا ہے کہ کوہ پیماؤں کے ساتھ چار پروفیشنلز گائیڈز تھے۔

کمپنی نے انسٹاگرام پر لکھا ہے کہ چوٹی سر کرنے کے دوران ایک کوہ پیما بیمار ہوئی اور ایک گائیڈ کے ساتھ واپس ہوئے۔ وہ اس کے ہاتھوں میں دم توڑ گئی۔‘

کئی گھنٹوں تک ان کے گائیڈ نے دیگر کوہ پیماؤں کا انتظار کیا لیکن وہ بعد میں بیس کیمپ واپس گئے جہاں انہوں نے ریسکیو ٹیم سے رابطہ کیا۔

باقی گروپ نے چوٹی سر کرنے کی مہم جاری رکھی لیکن راستے میں ان کو طوفان نے آن گھیرا۔

کوہ پیماؤں میں ایک کا پاؤں بھی ٹوٹ گیا تھا جس کی وجہ مہم کی رفتار مزید سست ہوئی۔

کمپنی نے بتایا کہ دو کوہ پیما سخت سردی کی وجہ سے ہلاک ہوئے، دو بے ہوش ہوگئے اور نیچے لاتے ہوئے وہ بھی دم توڑ گئے۔

گائیڈز اور مہم کے کچھ شرکا فراسٹ بائیٹ کا شکار ہونے کی وجہ سے ہسپتال میں زیر علاج ہیں۔