پاکستان کے تعلیمی اداروں میں سٹڈی ویزوں اور داخلوں کے حامل افغان طلبہ کو طورخم بارڈر کے ذریعے ملک میں داخل ہونے کی اجازت دی گئی ہے۔
افغانستان میں پاکستان کے سفیر منصور احمد خان نے کہا ہے کہ پاکستان نے آج 938 افغان طلبہ کو اجازت دی ہے جن کے پاس پاکستانی یونیورسٹیوں میں قانونی طور پر داخلہ ہے تاکہ اپنے تعلیمی سرگرمیوں میں شریک ہو سکیں۔
مزید پڑھیں
بدھ کو کابل میں پاکستانی سفارت خانے کی طرف سے جاری کردہ ایک پریس ریلیز کے مطابق ان طلبہ نے جن یونیورسٹیوں اور تعلیمی اداروں میں داخلہ لے رکھا ہے ان میں انٹرنیشنل اسلامک یونیورسٹی، نیشنل یونیورسٹی آف سائنس اینڈ ٹیکنالوجی (نسٹ)، کامسیٹس، نیشنل یونیورسٹی آف ماڈرن لینگویجز(نمل) اور جامعہ دارالعلوم کراچی شامل ہیں۔
27 ستمبر کو پاکستان نے افغان طلبہ کے لیے 100 سکالرشپس کا اعلان کیا تھا۔ اس کے بعد 300 طلبہ طورخم بارڈر کے ذریعے پاکستان میں داخل ہوئے۔
واضح رہے کہ اس وقت پاکستان بھر کی یونیورسٹیوں اور کالجوں میں تقریباً 7000 افغان طلبہ زیر تعلیم ہیں۔
Pakistan today has allowed 938 Afghan students who have valid admissions in Pakistani universities to travel to Pakistan and join their academic institutions. We wish them all success. @SMQureshiPTI @ForeignOfficePk @PakinAfg https://t.co/LiyW8uufF9
— Mansoor Ahmad Khan (@ambmansoorkhan) October 13, 2021
