فلائٹ آپریشن وسیع، نور مقدم کیس میں ملزمان پر فرد جرم عائد اور بھنگ پالیسی کی منظوری سمیت گذشتہ ہفتے کی اہم خبریں
فلائٹ آپریشن وسیع، نور مقدم کیس میں ملزمان پر فرد جرم عائد اور بھنگ پالیسی کی منظوری سمیت گذشتہ ہفتے کی اہم خبریں
ہفتہ 16 اکتوبر 2021 0:08
حکومت نے کہا ہے کہ کورونا وائرس کے کیسز میں کمی آئی ہے۔ (فوٹو: اے ایف پی)
گذشتہ ہفتے پاکستان میں ڈی جی آئی ایس آئی کی تعیناتی کے حوالے سے خبر اہم رہی، اس کے علاوہ کورونا وائرس کے کیسز میں کمی، نور مقدم کیس میں ملزمان پر فرد جرم عائد، پاکستان کی افغانستان کے لیے فلائٹ آپریشن معطل، بھنگ پالیسی کی منظوری اور ڈاکٹر عبدالقدیر خان کی سرکاری اعزاز کے ساتھ تدفین نمایاں خبریں رہیں۔
کورونا میں کمی: ملک میں ہفتہ وار ایک دن کی لازمی بندش ختم
کورونا کی روک تھام کے لیے قائم نیشنل کمانڈ اینڈ کنٹرول سنٹر (این سی او سی) نے بیماری کے کم پھیلاؤ اور جاری ویکسینیشن مہم کے تناظر میں فورم نے ملک بھر میں ہفتہ وار ایک دن کی لازمی بندش کو ختم کر دیا ہے۔
کورونا وائرس پر قابو پانے کے لیے پاکستان نے مختلف اقدامات نافذ کیے تھے۔ (فوٹو: اے ایف پی)
فیک نیوز کے بارے میں میڈیا کے اندر مباحثہ ضروری ہے: فواد چودھری
وفاقی وزیر اطلاعات و نشریات چوہدری فواد حسین نے کہا ہے کہ آج میڈیا کا سب سے بڑا چیلنج فیک نیوز ہے، خبر پھیلانے کے ذرائع زیادہ ہونے سے فیک نیوز کا مسئلہ شروع ہوا۔
لاہور کے نوجوان کو سنیپ چیٹ سٹوری میں پستول دکھانا مہنگا پڑ گیا
پاکستان کے وفاقی تحقیقاتی ادارے نے بین الاقوامی پولیس انٹرپول کی اطلاع پر لاہور کے ایک سکول سے ایسے نوجوان کو گرفتار کیا ہے جس نے سنیپ چیٹ پر کلاس کے دوران بیگ سے پستول نکالنے کی سٹوری لگائی۔
نئے ڈی جی آئی ایس آئی کے تقرر کے سوال پر وزیراعظم کا قہقہہ
پاکستان میں نئے ڈی جی آئی ایس آئی کی تعیناتی پر تعطل اور اس حوالے سے مقامی اور سوشل میڈیا پر چلنے والی متضاد خبروں کے بعد سب نظریں وزیراعظم عمران خان پر مرکوز ہیں کہ وہ کب اور کسے اس اہم عہدے کے لیے چنتے ہیں۔
ماہرین کے مطابق کینابیز یا بھنگ کا دنیا بھر میں ادویات کے لیے استعمال ہوتا ہے۔ (فوٹو: اے ایف پی)
قومی بھنگ پالیسی دسمبر تک منظور ہو جائے گی: شبلی فراز
وفاقی وزیر برائے سائنس و ٹیکنالوجی سینیٹر شبلی فراز نے کہا ہے کہ انہوں نے وزارت سنبھالی تو انہیں معلوم ہوا کہ قومی سطح پر بھنگ کی کاشت کے حوالے سے پالیسی ہی موجود نہیں ہے، اس لیے اب انہوں نے اس حوالے سے کام شروع کر دیا ہے اور دسمبر تک یہ پالیسی آ جائے گی۔
فوج واحد منظم ادارہ ہے، سمری پر دستخط نہ کرنا جاہلانہ انداز: مولانا فضل الرحمان
پااکستان ڈیموکریٹک موومنٹ (پی ڈی ایم) اور جمعیت علمائے اسلام کے سربراہ مولانا فضل الرحمان نے کہا ہے کہ ’ہمارے ہاں فوج ایک واحد منظم ادارہ ہے جو عوام کی ایک آخری امید ہوا کرتی ہے۔ لیفٹیننٹ جنرل چیف آف آرمی سٹاف کے ماتحت ہے، اس کی خدمات کا تعین اس کا باس ہی کرتا ہے۔‘
مولانا فضل الرحمان کا کہنا تھا کہ ’وزیراعظم کا بہت سے معاملات پر اَڑ جانا کوئی معقولیت نہیں‘ (فائل فوٹو: پی ایم آفس)
’ڈی جی آئی ایس آئی کی تعیناتی وزیراعظم کی اتھارٹی، قانونی تقاضے پورے کیے جائیں گے‘
وفاقی وزیر اطلاعات فواد چوہدری نے کہا ہے کہ کبھی بھی وزیراعظم آفس کوئی ایسا قدم نہیں اٹھائے گا جس سے افواج پاکستان کی عزت میں کمی آئے اور نہ افواج کی جانب سے ایسا کوئی اقدام اٹھایا جائے گا۔
ڈینگی بخار کے سر اٹھاتے ہی لاہور میں پیناڈول کی گولی نایاب
پاکستان میں ڈینگی بخار کی وبا سر اٹھا رہی ہے اور محمکہ صحت پنجاب کے مطابق صرف لاہور میں سو سے زائد مریض روزانہ کی بنیاد پر ہسپتالوں کا رخ کر رہے ہیں۔ چونکہ ڈینگی بخار کا کوئی مخصوص علاج نہیں اور بخار کی شدت کم کرنے کے لئے پیراسٹامول ہی ڈاکٹر تجویز کرتے ہیں۔
ینگی بخار کا کوئی مخصوص علاج نہیں اور بخار کی شدت کم کرنے کے یے پیراسٹامول ہی ڈاکٹر تجویز کرتے ہیں۔ (فوٹو: فیس بک)
ڈاکٹرعبدالقدیر خان کی سرکاری اعزاز کے ساتھ تدفین، قومی پرچم سرنگوں
ڈٖاکٹر عبدالقدیرخان اتوار کو اسلام آباد کے ایک ہسپتال میں انتقال کر گئے تھے۔ اسلام آباد کے کے آر ایل ہسپتال کی انتظامیہ کے مطابق ڈاکٹر عبدالقدیر خان کو اتوار کی صبح طبعیت بگڑنے پر ہسپتال منتقل کیا گیا تھا لیکن وہ جانبر نہ ہوسکے۔
