پاکستان میں پیٹرولیم مصنوعات کی قیمتوں میں اضافہ کر دیا گیا ہے۔ حکومت کی جانب سے جاری کیے گئے نوٹی فیکیشن کے مطابق پیٹرول کی قیمت میں آٹھ روپے تین پیسے اضافہ کیا گیا ہے۔
اضافے کے بعد پاکستان میں پیٹرول کی نئی قیمت 145 روپے 82 پیسے مقرر کی گئی ہے۔ ہائی سپیڈ ڈیزل کی قیمت آٹھ روپے 14 پیسے کے اضافے سے 142 روپے 62 پیسے ہو گئی ہے۔
مزید پڑھیں
-
مہنگائی کی وجوہات کا جائزہ لے رہے ہیں: عمران خانNode ID: 510301 -
پیٹرول مہنگا: ’سائیکل کتنی ماحول دوست سواری ہے‘Node ID: 609691 -
آج کہہ رہا ہوں کہ پیٹرول کی قیمتیں بڑھانا پڑیں گی: عمران خانNode ID: 615126
مٹی کے تیل کی قیمت چھ روپے 27 پیسے کے اضافے کے ساتھ 116 روپے 53 پیسے جبکہ لائٹ ڈیزل پانچ روپے 72 پیسے کے اضافے کے ساتھ 114 روپے سات پیسے تک پہنچ گئی ہے۔
اضافے سے پیٹرولیم مصنوعات کی قیمتیں ملکی تاریخ کی بلند ترین سطح پر پہنچ گئی ہیں۔
وزیراعظم کے معاون خصوصی شہباز گِل نے ٹویٹ میں اس حوالے سے لکھا ہے کہ ’پیٹرول کی قیمت بڑھانا کوئی پسندیدہ فیصلہ نہیں تھا۔ ہر پہلو دیکھا گیا۔ پوری دنیا میں پیٹرولیم مصنوعات کی قیمت دو گنا ہو چکی۔‘
ان کا کہنا ہے کہ حکومت پہلے ہی پیٹرولیم ٹیکس 31 روپے سے کم کر کے 5 روپے تک لا چکی۔ ’اب بھی اگر قیمت کم رکھنی ہو تو پھر قرضہ لینا پڑے گا جو کسی صورت ملک کے مفاد میں نہیں۔‘
خیال رہے کہ وزیراعظم عمران خان نے بدھ کو قوم سے خطاب میں کہا تھا کہ پیٹرول کی قیمتیں بڑھانا پڑیں گی۔
پٹرول کی قیمت بڑھانا کوئی پسندیدہ فیصلہ نہیں تھا۔ ہر پہلو دیکھا گیا۔ پوری دنیا میں پٹرولیم کی قیمت دو گنا ہو چکی۔ حکومت پہلے ہی پٹرولیم ٹیکس 31 روپے سے کم کر کے 5 روپے تک لا چکی۔ اب بھی اگر قیمت کم رکھنی ہو تو پھر قرضہ لینا پڑے گا جو کسی صورت ملک کے مفاد میں نہیں۔
— Dr. Shahbaz GiLL (@SHABAZGIL) November 4, 2021
عمران خان نے اپنے خطاب میں بتایا تھا کہ ’عالمی سطح پر تیل کی قیمت 100 فی صد بڑھی ہے۔ انڈیا میں پیٹرول 250 روپے فی لیٹر ہے۔ بنگلہ دیش میں 200 روپے لیٹر جبکہ پاکستان میں 138 روپے لیٹر ہے۔‘
وزیراعظم کے مطابق ’سوائے تیل پیدا کرنے والے ملکوں کے پاکستان میں تیل سب سے سستا ہے۔ ہم نے ٹیکس کم کر کے تیل کی قیمت کم رکھی ہے تاکہ عوام پر بوجھ نہ پڑے۔‘
اپوزیشن کی جانب سے پیٹرولیم مصنوعات کی قیمتیں بڑھانا پر حکومت پر تنقید کی جا رہی ہے۔
