عرب اتحاد کے فضائی حملوں میں مزید 105 حوثی مارے گئے

یمن میں عرب اتحاد کی مارب کے قریب کارروائیاں جاری ہیں۔ پچھلے 24 گھنٹے کے دوران صرواح اور البیضا میں حوثی ملیشیا کے اہداف پرمزید 21 فضائی حملے کیے گئے ہیں۔‘

سرکاری خبر رساں ایجسی ایس پی اے نے جمعے کو ترجمان کی طرف سے جاری بیان کے حوالے سے بتایا کہ ’ٹارگٹڈ آپریشنز کے دوران مزید 13 فوجی گاڑیاں تباہ جبکہ 105 سے زیادہ دہشت گردوں کی ہلاکتیں ہوئی ہیں۔‘

واضح رہے کہ حوثی باغیوں کے جانب سے پچھلے کئی ہفتوں سے یمن کی کمشنری المارب کے مختلف علاقوں میں شہری آبادی کو نشانہ بنایا جا رہا ہے جس سے نہتے عوام کو شدید مشکلات کا سامنا ہے۔

 عرب اتحاد شہریوں کے تحفظ کے لیے حوثی ملیشیا  کے یونٹس اور ارکان کو نشا نہ بنانے کے لیے کارروائیاں جاری رکھے ہوئے ہے۔

یاد رہے کہ  جمعرات کو عرب اتحاد برائے یمن  کی جانب سے کہا گیا تھا کہ گزشتہ چوبیس گھنٹوں کے دوران یمن کے علاقے ’صرواح‘ اور ’البیضا‘ میں باغیوں کے ٹھکانوں پر 22 حملے کیے گئے جس میں 125حوثی باغی ہلاک ہوئے جبکہ 14 فوجی گاڑیاں تباہ کی گئی ہیں۔