امارات میں کورونا کے 3 لاکھ 17 ہزار ٹیسٹ، 78 نئے کیسز
امارات میں کورونا کے 3 لاکھ 17 ہزار ٹیسٹ، 78 نئے کیسز
ہفتہ 13 نومبر 2021 20:00
متاثرین کی تعداد بڑھ کر7 لاکھ 40 ہزار879 ہوگئی ہے(فائل فوٹو اے ایف پی)
امارات میں سنیچر 13 نومبر کو پچھلے چوبیس گھنٹے کے دوران کورونا کے مزید 78 مریضوں کی تصدیق ہوئی ہے۔
امارات کی سرکاری خبر رساں ایجنسی وام نے وزارت صحت کے حوالے سے بتایا ’متاثرین کی تعداد بڑھ کر7 لاکھ 40 ہزار879 ہوگئی ہے‘۔
وزارت صحت کے مطابق’ ملک میں پچھلے چوبیس گھنٹے کے دوران جدید تشخیصی آلات کی مدد سے کورونا کے مزید 3 لاکھ 17 ہزار823 ٹیسٹ کیے گئے‘۔
صحتیاب ہونے والوں کی تعداد بڑھ کر7 لاکھ 35 ہزار457 ہوگئی۔(فوٹو وام)
وبا سے متاثرہ مریضوں میں سے مزید 95 مکمل صحتیاب ہوگئے، صحتیاب ہونے والوں کی تعداد بڑھ کر7 لاکھ 35 ہزار457 ہوگئی۔
بیان میں کہا گیا کہ’ پچھلے چوبیس گھنٹے کے دوران زیرعلاج مریضوں میں سے ایک چل بسا، مرنے والوں کی تعداد دو ہزار143 ہوگئی‘۔
علاوہ ازیں وزارت صحت کے اعلان کے مطابق ’پچھلے چوبیس گھنٹے میں کورونا ویکسین کی مزید 35 ہزار116 خوراکیں دی گئی ہیں۔ اب تک مجموعی طور پر ویکسین 2 کروڑ 15 لاکھ 37 ہزار 698 خوراکیں دی جاچکی ہیں‘۔
