ایس او پیز کی نگرانی کے لیے تفتیشی دورے تیز کرنے کی ہدایت

وزارت بلدیات و دیہی امور نے تمام ذیلی اداروں کو تمام تجارتی مراکز میں ایس او پیز کی نگرانی کے لیے تفتیشی دورے تیز کرنے کی ہدایت کر دی ہے۔

سبق ویب سائٹ کے مطابق وزارت نے کہا ہے کہ’وزارت داخلہ کی ہدایت کے مطابق آج سے ماسک اور سماجی فاصلے کی پابندی پر عمل ہوگیا ہے‘۔

’فیصلے کے نفاذ کو یقینی بنانے کے لیے تمام بلدیاتی اداروں کو دورے کرنے کی ہدایت کے ساتھ واضح طور پر بتادیا گیا ہے کہ ایس او پیز کی خلاف ورزی پر کسی قسم کی رعایت نہ کی جائے‘۔

وزارت نے تجارتی مراکز کی انتظامیہ سمیت رہائشیوں کو ہدایت کی کہ سب کی سلامتی کا تقاضا یہ ہے کہ ہم ماسک اور سماجی فاصلے کی پابندی کریں۔