امارات میں کورونا کے 2708 نئے کیسز
وزارت صحت نے ایک روز میں 4 لاکھ69 ہزار سے زائد کورونا ٹیسٹ کیے(فوٹو، ٹوئٹر)
متحدہ عرب امارات میں گزشتہ 24گھنٹوں کے دوران مزید 2 ہزار 7 سو سے زائد افراد میں کورونا وائرس کی تصدیق ہوئی ہے-
اماراتی خبررساں ادارے ‘وام‘ کے بدھ 4 جنوری کو اماراتی وزارت صحت کا کہنا ہے کہ ملک میں گزشتہ 24 گھنٹوں کے دوران کورونا کے 2 ہزار 7 سو 8 کیسز کی تصدیق ہوئی ہے جبکہ ایک ہی دن میں کورونا سے 743 افراد شفایاب ہوئے-
وزارت صحت کامزید کہنا ہے کہ کورونا سے گزشتہ روز کسی فرد کے ہلاک ہونے کی اطلاع نہیں ملی-
کورونا ٹیسٹ کے حوالے سے وزارت صحت نے بتایا کہ گزشتہ 24 گھنٹوں کے دوران امارات میں کورونا کے 4 لاکھ 69 ہزار 92 نئے ٹیسٹ کیے گئے-
وزارت کا مزید کہنا تھا کہ امارات میں کورونا وائرس سے متاثرین کی مجموعی تعداد 7 لاکھ 74 ہزار 897 تک پہنچ گئی ہے جبکہ اس مہلک وائرس سے اب تک 2 ہزار 170 افراد ہلاک ہوچکےہیں۔
کورونا سے مجموعی طورپر صحتیاب ہونے والوں کی تعداد 7 لاکھ 49 ہزار 254 ہوگئی ہے-
