ایک ہفتے میں کورونا ایس او پیز کی 27 ہزار سے زیادہ خلاف ورزیاں

وزارت داخلہ نے کہا ہے کہ گزشتہ ایک ہفتے کے دوران مملکت بھر میں کورونا ایس او پیز کی 27 ہزار 742 خلاف ورزیاں ریکارڈ کی گئیں-

ایس پی اے کے مطابق سب سے زیادہ خلاف ورزیاں 8 ہزار 846 ریاض ریجن میں ریکارڈ کی گئیں- مدینہ منورہ ریجن 3760 کے ساتھ دوسرے، الشرقیہ 3297 کے ساتھ تیسرے اور مکہ مکرمہ ریجن  3079 سے چوتھے، جازان ریجن 1951 سے پانچویں نمبر پر رہا-

سب سے کم خلاف ورزیاں 463 نجران ریجن میں ریکارڈ کی گئیں-

وزارت داخلہ کا کہنا ہے کہ قصیم، الجوف، حائل، باحہ، حدود شمالیہ، عسیر اور تبوک ریجنز میں بھی کورونا ایس او پیز کی خلاف ورزیاں ہوئیں-

وزارت داخلہ نے سعودیوں اور مقیم غیرملکیوں کو تاکید کی ہے کہ وہ متعلقہ اداروں کی جانب سے جاری کردہ کورونا ایس او پیز کی پابندی کریں اور وائرس سے بچاؤ کے لیے مقرر تدابیر پر عمل کرتے رہیں-

واٹس ایپ پر سعودی عرب کی خبروں کے لیے ”اردو نیوز“ گروپ جوائن کریں