نئی دہلی ....لندن سے دہلی آنے والی ایئر انڈیا کی فلائٹ سے 2ہند نژاد برطانوی باشندوں کو 28سالہ ایئرہوسٹس کو ہراساں کرنے پر گرفتار کرلیا گیا۔ بعد میں انہوں نے عدالت سے ضمانت کرالی۔ ایئر انڈیا نے ایک بیان میں کہا ہے کہ وہ اس واقعہ کو منطقی انجام تک پہنچائے گی۔ ملزمان میں 33سالہ جسپال سنگھ او ر36سالہ چرندیپ شامل ہیں جو جے پور میں شادی کی تقریب میں شرکت کیلئے آرہے تھے۔ ایک پولیس افسر نے بتایا کہ وہ نشے میں تھے۔ پرواز کے دوران انہوں نے ایئرہوسٹس سے کہا تھا کہ وہ ان کے لئے کھانا لیکر آئے لیکن کچھ تاخیر ہوئی تو یہ دونوں مشتعل ہوگئے۔ انہوں نے نا مناسب ریمارکس کسے ۔ طیارے کے دہلی اترنے کے بعد عملے نے سیکیورٹی ایجنسیوں کو واقعہ سے آگاہ کیا جس کے بعدان پر مقدمہ درج کرلیا گیا۔
ایئرہوسٹس کو ہراساں کرنے پر2برطانوی گرفتار
