امارات میں کورونا کے 2 لاکھ سے زیادہ ٹیسٹ، 2511 نئے مریض
امارات میں کورونا کے 2 لاکھ سے زیادہ ٹیسٹ، 2511 نئے مریض
منگل 11 جنوری 2022 19:08
اب تک ساڑھے سات لاکھ سے زیادہ افراد شفا پاچکے- (فوٹو عرب نیوز)
متحدہ عرب امارات کی وزارت صحت نے کہا ہے کہ کورونا کیسز میں کمی آنا شروع ہوچکی ہے-
امارات کی خبررساں ایجنسی وام کے مطابق گزشتہ چوبیس گھنٹوں کے دوران کورونا کے 2511 نئے کیسز ریکارڈ پر آئے ہیں- جس کے بعد کل مریضوں کی تعداد 7 لاکھ 90 ہزار 698 ہوچکی ہے-
کورونا سے اب تک مرنے والوں کی تعداد 2177 ہوچکی ہے- (فوٹو وام)
منگل کو شفا یاب ہونے والے افراد کی تعداد 795 رہی اس طرح اب تک 7 لاکھ 54 ہزار 688 افراد صحت یاب ہوگئے ہیں- تین افراد کی کورونا کے باعث موت واقع ہوئی اس طرح اب تک مرنے والوں کی کل تعداد 2 ہزار 177 ہوچکی ہے-
متحدہ عرب امارات کی وزارت صحت نے بتایا کہ گزشتہ چوبیس گھنٹوں کے دوران کورونا کے 2 لاکھ 92 ہزار 415 نئے ٹیسٹ کیے گئے-
