منشیات سمگل کرنے کی کوشش ناکام ، 5 ملزمان گرفتار
ملزمان میں 3 غیر ملکی اور2 شہری شامل ہیں(فوٹو، ٹوئٹر)
قانون نافذ کرنے والے ادارے کی ٹیموں نے شمالی حدود ریجن میں بڑی مقدار میں نشہ آورگولیاں سمگل کرنے کی کوشش ناکام بنادی۔
سبق نیوز کے مطابق سرحدی محافظوں کی ٹیم نے منشیات سمگل کرنے کی کوشش کرنے پرایک شامی اور دوعراقیوں کو حراست میں لے لیا ہے۔
ملزمان 3 لاکھ کے قریب نشہ آورگولیاں مملکت سمگل کرنے کی کوشش کررہے تھے۔
کوسٹ گارڈ کے اہلکاوں نے محکمہ انسداد منشیات کے تعاون سے نشہ آور گولیاں سمگل کرنے کے الزام میں مزید دوسعودی شہریوں کو بھی حراست میں لیا گیا جو مذکورہ منشیات وصول کرنے کے لیے چوکی پرپہنچے ہوئے تھے۔
ملزمان کے خلاف منشیات سمگل کرنے کا مقدمہ درج کرکے انہیں مزید تحقیقات کے لیے پراسیکیوشن کے ادارے کے حوالے کردیا گیا ہے جہاں مقدمہ مکمل کرنے کے بعد چالان عدالت میں پیش کیا جائے گا۔
